As mocións de urxencia presentadas polo BNG no pleno municipal de Ordes do xoves 28 de outubro non foron debatidas debido ao voto en contra á urxencia das mesmas por parte do PP. As mocións facían referencia á antiga estación da Pontraga e mais á rebaixa do IBI para o ano 2022.
Dende o BNG aseguran que "o alcalde tivo unha actitude moi agresiva co portavoz do BNG de Ordes, impedindo o dereito a réplica “a pesares das continuas faltas de respecto e alusións persoais efectuadas”. Para o portavoz local, Pablo Vidal, isto demostra o "nerviosismo" do alcalde "que tenn pavoe ao debae coa alternativa ao seu goberno". Os nacionalistas denuncian que ao negarse á rebaixa do IBI, o Concello responde "á necesidade de recadar para pagar uns salarios de goberno desorbitados, para nada acordes coa xestión e cos servizos ofertados á veciñanza”.
Por outra banda, o BNG denunciou que o goberno municipal se dedique a “acusar á veciñanza de incumprir a xestión da biomasa nas súas parcelas, cando é o primeiro en eludir dita obriga”.
Os nacionalistas puxeron como exemplo a parcela do concello existente nas proximidades do polígono industrial de Merelle, a cal segundo manifestan, “atópase nun estado de total abandono, que supón unha completa ameaza ante incendios forestais”.
A este respecto, o portavoz do BNG de Ordes, Pablo Vidal, lembrou que “a maiores, nas últimas datas, estanse a depositar os restos das podas efectuadas nos plataneiros da vila, incrementando o risco asociado”.
Vidal considera lamentable que o alcalde “se dedique a denunciar á veciñanza, mentres que, coa súa xestión, é incapaz de dar exemplo á veciñanza mantendo nunhas mínimas condicións de limpeza os predios municipais”.
Comments