A XI Festa da Filloa de Abellá (Frades) foi todo un éxito de
participación, onde centos de persoas pasaron ao longo do sábado polo pavillón
municipal de Abellá para degustaren un menú composto por 8 filloas e cunca de
caldo (que quedaba de agasallo conmemorativo), acompañado por rixóns, lacón e
café. E non foron poucos os que repetiron tanto o caldo (2€) como as fillóas (3€), ou
que optaron por complementalas con outros alimentos como o queixo, o chourizo ou
as rosquillas.
Uns pratos que foron posibles grazas ao labor das e dos filloeiros de Abellá, así
como de todas as persoas voluntarias que participaron no evento ao longo de toda
a xornada, durante a que se venderon máis de 250 menús. A cantina estivo
atendida pola Comisión de Festas de Abellá.
Musicalmente, a festa estivo amenizada polo grupo de gaiteiros “Son da terriña”, da
parroquia de Galegos, así como polo Dúo Acherizados e Chocolate Disco Móbil.
Actuacións que moitos dos presentes aproveitaron para botar unhas bailas. Pola
súa banda, os máis cativos puideron gozar de inchables e divertidos obradoiros.
A XI Festa da Filloa de Abellá foi organizada pola asociación de veciños “Os
Labregos de Abellá”, en colaboración co Concello de Frades, a Deputación da
Coruña e a Mancomunidade de Municipios de Ordes, ao abeiro do Proxecto
Nantronte.
Comments